Home Rubriche Notizie Cimbre ALLN ZBOA BOCHAN STIRBETA A ZUNG

ALLN ZBOA BOCHAN STIRBETA A ZUNG

374

Sa schètzan ke in di bèllt khemmenda geredet opp un zua 6-7.000 zungen. ’z soinda zungen, azpe dar cinese mandarino, boda soin geredet vo quase an mildjàrdo laüt, åndre azpe da belse boda zeln mearar baz viarunsèchtzekh mildjü laüt un zungen azpe d’ünsar boda håm mearar baz tausankh djar lem boda soin no geredet vo 6-700 lusérnar.

D’ünsar iz sichar ummana von “mearar edl” zungen in di bèlt, eppaz boda lai biar lusérnar no håm un bodaz iz khent geschenkht von ünsarn stoltzan eltarn, eppaz boda macht stoltz z’soinz lusérnar.

Ma a zung iz eppaz lente un azpe alle di lentegen sachandar hatze megl z’soina gevüatart tage vor tage zo maga lem. Alle di vert bobar magatn nützan ünsar zung un, in soi vuaz, nützpar da belese, disa khinnt hèrta stechar un d’ünsar hèrta deblar, asó debl ke bar soin palle gebont njånka mear zo höara soin khlång.

 

(Testo di Valentina von Kastelé)