Home Rubriche Notizie Cimbre A PALTZ PITT “TIAVE BURTZAN”: DAR PLÈTZ VON MOTZE

A PALTZ PITT “TIAVE BURTZAN”: DAR PLÈTZ VON MOTZE

467

Dar “Plètz von Motze”, in an stroach èkhar, bisan un balt, un no pellar, vor tausankhunzboachundart djar a groaza bèrkhstatt boda di laüt, pittnar groaza un sbera arbat, håm auzgizoget in khupfar.
No in tà vo haüt, khånante lesan bazta no iz gistånt , matma seng bazta steat von övan, von plètz bosa håm gimal un bosa håm auzgibèst in khupfar. Di lait boda est iz gidenkht pitt vaüchtn un lèrch, untar zen zentimentre earde lugart a gåntza låmmar schlakkn. Schlakkn bodaz khön ke sèmm izta zuargirift, auar vodar Valsugana, an hauf gimalate krötz un, benn von krötz håmsa gihatt verte auzziaga in khupfar, disar iz gånt zo giriva nidar zuar Venedig bodar iz khent gimacht bidar zorgian un, pitnan 5% vo stånjo, izzar khent bronzo.
Ditza un vil åndarz khüttaz, no in tà vo haüt, dar “Plètz von Motze”.

(Testo di Valentina von Kastelé)