Home Rubriche Notizie Mochene EUREGIOFAMILYPASS: ÒLLA DE NUTZN EN AN PLICK

EUREGIOFAMILYPASS: ÒLLA DE NUTZN EN AN PLICK

14

Der EuregioFamilyPass bill as òlla de familie van Euregio Tirol-Südtirol-Trentin schelltn untersuachen ont pesser lem der Euregio. Mearer de dinger as de familie meing tea’ en de vrai zait: ausòndra trèffn, minder zoln en sektor va de u’lear, va de kultur, van sport ont nou minder zoln ver za prauchen de òllgamoa’mittln. Ver za meing pesser, klor ont semplesch vourstelln òlla de nutzn, ist kemmen gamòcht an interaktivkòrt van EuregioFamilyPass as kimmp iaz galòck schaung van Asesorn ver de familia van Euregio, as sai’ de sèlln van Land Tirol, va de autonome Provinz va Poazn ont va de autonome Provinz va Trea’t.

De asesorn ver de familia derklorn as de nai interaktivkòrt lòk schaung en de familie òlla de nutzn as men hòt pet en EuregioFamilyPass. Der asesor ver de familia va de autonome Provinz va Trea’t tschbinnt as de doi kòrt hilft de familie za bissn ont prauchen sèll as hòt en de aigene gamoa’schòft, ober za kennen sèll as hòt en de òndra zboa gamoa’schòftn van Euregio aa. Ver en assesor pet en doi nai strument ver de drai gamoa’schòftn bar laichter sain kennen se. De interaktivkòrt de ist gamòcht aa ver za suachen partner, ont ist eppas bichte ver sa gea’ keing de digitalizzazion. De interaktivkòrt van EuregioFamilyPass vinnt men as de sait www.familypass.eu.

Interreg programm ver en bècksl turch de grenz

Der projekt van EuregioFamilyPass mòcht toal van Interreg Balschlònt-Osteraich programm. S ist van 2017 as turch en doi projekt kemmen gamòcht zòmmòrbetn ver za meing gem en de familie van Tirol, Südtirol ont Trentin nutzn ver en kultural bècksl turch de grenz.

Ibersetz gamòcht van Sprochtirl va de Tolgamoa’schòft Hoa Valzegu’ ont Bersntol
(Traduzione a cura dello Sportello linguistico della Comunità Alta Valsugana e Bersntol)